કહેવું શું?

પળેપળની સદા જેને ખબર છે, તેને કહેવું શું?

 પડી કોઈ નથી જેને, કહીને તેને કરવું શું?

 

કહ્યું છે,પાણી ને વાણી જગે ગાળીને વાપરજે.
નીરોગી મન રહે તન સંગ, જંગે તેને  ડરવું શું?

 

ઊંચું આકાશ છે કારણ ઝુકેલું ચાર બાજુ છે.
ન જાણે રાઝ જો સાચું તો દર્પણ તેને ધરવું શું?

 

લગાવે બુધ્ધિ ધક્કા લાખ ચાલે જોર ના એનું,
સુંવાળુ હૈયું દોરે ફૂલને તેનું તો ખરવું શુ?

 

ભર્યા છે રંગ કુદરતમાં પતંગિયા ને પીંછાઓમાં,
હવાની લ્હેરમાં  રંગો પૂરી જાણે તો પૂછવું શું?