મુક્તક-૯

• બાંધી મુઠી તો લાખની,
  ખુલ્યાં પછી છે રાખની,
  પૂછો નહી ક્યાં ક્યાં બધી,
  જ્વાળા ફરી છે આગની.

• સંધ્યા પછીની રાતની,
  અંધાર ઘેરી યાદની,
  ભીંતે ચઢી, છત પર મઢી,
  વાતો મીંચેલી આંખની.

• ફફડાવી ઉડતી પાંખની,
  પીડા શમે છે જાતની,
  પૂછો નહી,ક્યાંથી મળી,
  તાકાત આ અંદાજની.  

• ક્ષણ ક્ષણ મહીં છે આપની,
  કૃપા કહું અહોભાવથી,
  ખુદા પ્રભુ કે હો ઈસુ,
  ખુલે બધી નામાવલિ..

• રસ્તે ઉતાર ચડાવ છે,
  લાગે હવે મુકામ છે,
  જાણો પછી ઉદાસ થઇ,
  આ તો જરા પડાવ છે.