બાંધી મુઠ્ઠી..
સંગ્રહ
૨૦૨૨…સ્વાગતમ્
અરજ..
મુક્તકઃ
અરજ જગની…
કોરોનાએ બારણાં કર્યા બંધ બહારના
ઉઘડ્યા છે ત્યારથી અંદરના બારણાં.
થઈ ગયું છે સંપૂર્ણ કામ અહીં તમારું
ખમૈયા કરો હવે લઈએ ઓવારણાં.
2021
નવા આ વર્ષની ગૂંજી રહી, શહેનાઇઓ ચોપાસ.
હવાની લ્હેરખી લઇ આવતી, આશાભર્યો અહેસાસ.
ને શબ્દોને ફૂટી કૂણી કૂણી, કૂંપળ નવી લીલી,
રહે તન-મન તણી શાંતિ, સદાયે આપને આવાસ.
welcome 2021…
સદાયે સર્વને આવાસ…સકળ આ વિશ્વને આવાસ.
મુક્તક નં. ૨૮..
આપણે પ્હેલી વખત જાગ્યાં છીએ.
એટલે આવા જુદા લાગ્યાં છીએ.
ક્યાં હતી આવી નિશાળો પણ પહેલાં
ને ખરા પાઠો હવે જીવ્યાં છીએ.
સન્નાટાનો ઘોંઘાટ..
કોરોનાગ્રસ્ત…
સંવેદનાઓ કંપી ગઈ છે.
વેદના સાથે સંપી ગઈ છે.
દિલ તો કંઈ બોલ્યું જ નહીં ને
બુધ્ધિયે હવે જંપી ગઈ છે.
પ્રાર્થનાઃ
સારો અને ખોટો બધાનો આ સમય પણ વહી જશે.
ઢાંકે ભલે વાદળ રવિને, ક્ષણ મહીં એ ખસી જશે.
કોઈએ કદી ના સાંભળ્યો કે ના કદી જોવા મળ્યો
આ કેર ‘કોરોના’નો પણ કાલે સવારે સરી જશે.
ફાગણના કામણ..
મનને આંગણ આવે ફાગણ,
રંગોના લઈ કામણ.
હોળી ખેલે જન-મહેરામણ
જેમ ઉમંગ નીતર્યો શ્રાવણ.
કોપી-પેસ્ટ… મુક્તક-૨૭
‘ત્યારે ને અત્યારે’ની વાત કૈં થાય તેમ નથી.
નાની ને દાદીની વાતો કહેવાય તેમ નથી.
કોપી–પેસ્ટ ફોર્વર્ડમાં વ્યસ્ત છે આ દૂનિયા એટલી,
કે, ગઝલ તો શું, એક શેર ક્યાંય અસલી દેખાય તેમ નથી.
***************************************************
મુક્તક-૨૬
સંજોગને આ દોરડે ફરતા ભમરડાઓ છીએ.
ને સૌ સમયની ધાર પર ઘૂમતા ચકરડાઓ છીએ.
છો ને દિમાગ આ સારું કે ખોટું વિચારે રોજ અહીં.
પણ સાચું તો એ છે, કે સૌ દિલના છબરડાઓ છીએ.
બાળપણની દોસ્તની વિદાય…
સમાચાર તારા મળ્યા ત્યારથી, બહુ અજંપો થયો છે.
સતત તો નો’તો સંપર્ક છતાં, બહુ બળાપો થયો છે.
હતું એક બંધન બચપણથી પાકું હ્રદયનું પરસ્પર,
નથી તું વિસરાતી કે વાતો યે તારી, બહુ ઝુરાપો થયો છે.
સપ્ટે.૨૭, ૨૦૧૯
શબ્દોને પાલવડે 