આક્રોશ…

અમથું કહે છે આ જગત, કે અધર્મના સંહાર માટે આવ્યો’તો એ.
છે કૈં જવાબો ? ક્‍હો મને,નિર્દોષ એવા કર્ણને શો ન્યાય મળેલ?

રે,પત્નીને મૂકી છે જેણે  હોડમાં,  જુગારમાં,  એનો જ સાથ !
ને માંગણી કુંડળ કવચ ? ધિક્કાર છે,એ જીત એની છેતરેલ !

સાચી અગર એ વાત હો તો જો, જરુરત આજ પણ છે જ,
દૂર્યોધનો, દુઃશાસનો,ને છે શકુનિ આજ પણ માથાં ફરેલ..

આવી ફરી કર ન્યાય સાચો, તો જ માનું “તું હતો ને  છે જ છે તું.”
શાને ન આવે હેં?!  કહેને, ચક્રધારી, આંગળીએ પર્વત ધરેલ?!!

આ લોકને  સમજાવતો, વિચારજો,  કેવો હતો ચાલાક ખેલ ?
કે જન્મ ભૂમિ જેલ કીધી, કર્મભૂમિ  યુક્તિપૂર્વક રાખી મ્હેલ!