છલક છલક ગોરી ગુજરાત….

નવરાત્રી શરૂ થાય એટલે શેરીના ગરબાનું ચિત્ર ઉભું થાય પણ દેશમાં તો હવે ડીસ્કો થયા અને વિદેશમાં‘ શેરીના ગરબા’ ગોઠવાયા !! આની વચ્ચે લો, આ કોમ્પ્યુટરના વેબના આંગણે ગરબાના ભાતીગળ દોહાથી શરૂઆત કરીએ.—————દેવિકા ધ્રુવ

  ગરબો

હે…..
બુલંદ નાદે, નોબત વાગે,મૃદંગ બાજે,માઝમ રાત,
કસુંબ કોરે, આભની ટોચે, રતુંબ રંગે,સોહત માત.

હે…
ચુંદડી ઓઢી,સહિયર સાથે,માવડી નાચે,નવનવ રાત,
ધડક ધડક  નરનારી આજે,
ખનન ખનન કર કંકણ સાજ.

હે…
કંદોરો કેડે, પાઘડી શિરે, દાંડિયા ખેલે,નોરતાની રાત,
રસિયા જાગી, રંગ જમાવે, છલક છલક  ગોરી  ગુજરાત….

પનઘત

  હે…
પનઘટ વાટે, ઈંઢોણી માથે, ઘડુલા સાથે, ઝુમતી નાર,

બાંસુરી બાજે, યમૂના ઘાટે, નટખટ  નાચે, ધમધમા ધમધમ.

હે…
જલભર માથે, આઠમ રાતે, ગોપી નાચે, ભૂલીને ભાન,

ઢોલક નાદે, તાલી તાલે, તન-મન  ડોલે, છુમક છુમક છુમછુમ.

હે…
રુમઝુમ રુમઝુમ ઝાંઝર બાજે, ઝગમગ ઝગમગ  દીવડા હાર,

થનગન થનગન જોબન જાગે,દિલ ન રોકે  ઠુમક ઠુમક ઠુમઠુમ.

 દેવિકા ધ્રુવ

 ગરબોઃ

માત અંબે ભવાની નવરાત લાવી

આજ ગરબે ઘૂમવાની નવરાત આવી.

લોક  સોળે સજે શણગાર, ભવાની નવરાત લાવી…જીરે જીરે ઝુમવાની નવરાત આવી..

મા ગબ્બર ગોખેથી રુમઝુમ આવે,

એ તો સિંહ પર સ્વાર થઈ રમઝટ  લાવે

લઈ શેરીના ગરબાનો તાલ, ભવાની નવરાત લાવી…ખમ્મા ખમ્મા ભવાની નવરાત આવી..

માએ નવ નવ રાતે કંકણ પહેર્યાં,

 બાજુબંધ બેરખાં હરખે ધર્યા

ઊડે ચૂંદડીમાં  કંકુ-ગુલાલ, ભવાની નવરાત લાવી…જીરે જીરે ઝુલવાની નવરાત આવી..

નથણી,નૂપુર ને પાયલની સંગ,

ઝુમખા,લવિંગિયા ને દામણીનો રંગ

આછી ઓઢણીમાં તારલિયા ભાત, ભવાની નવરાત લાવી..ખમ્મા ખમ્મા સુહાની નવરાત આવી..

ગરબાને દીવડે સૂરજના તેજ,

ચંદાની ચાંદનીના છલકે છે નેહ,

આજ આનંદ ઉર ના સમાય, ભવાની નવરાત લાવી..હોવે હોવે દિવાની નવરાત આવી..

દેવિકા ધ્રુવ

3 thoughts on “છલક છલક ગોરી ગુજરાત….

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out /  બદલો )

Google photo

You are commenting using your Google account. Log Out /  બદલો )

Twitter picture

You are commenting using your Twitter account. Log Out /  બદલો )

Facebook photo

You are commenting using your Facebook account. Log Out /  બદલો )

Connecting to %s