‘હાર્વી’ ને હ્યુસ્ટન…

સપ્ટે.૨૦૦૮માં આસુરી ‘આઈક’ નામના ‘હરિકેને’ પોતાનું ત્રિનેત્ર ખોલીને ‘ટેક્સાસ’ પર વિકરાળ તાંડવ કર્યું હતું.આ વખતે ફરી એકવાર એણે રૂપ બદલી માઝા મૂકી.  કુદરતના આ ભયાનક, વિનાશક, ચક્રવાત, સતત હોનારત, બેહદ કોપ-પ્રકોપ  વિશે શું કહેવુ? અગ્નિપરીક્ષા તો સાંભળી છે, વાંચી છે, પણ આવી જળ-પરીક્ષા?!! વાયુ-પરીક્ષા?

ખેર ! આવી કસોટીની વચ્ચે એક  સારી વાત નોંધ્યા વગર રહી શકાય તેમ નથી. માનવ-હ્રદયની એક ખૂબી છે. નૈસર્ગિક આફતોમાં સૌ એકમેકના બની રહે છે. ઠેકઠેકાણેથી વિવિધ રીતે માનસિક ‘સપોર્ટ’ અને ‘પ્રેક્ટીકલી’ બની શકે તેવી સંપૂર્ણ સહાય મળતી રહે છે. માનવ સર્જિત ‘ ટેક્નોલોજી’એ પણ આમાં મોટો ભાગ ભજવ્યો છે.

‘ટેક્સાસ’  સ્ટેટના ‘ઑસ્ટીન’ શહેરમાં સલામત બેઠેલ અમે અમારા હ્યુસ્ટનના ખાલી કરાયેલ Poet Corner વિસ્તારમાં હવે પાછા જઈને જોઈશું કે ઘરના શા  હાલ છે?

અત્યારે તો….? જુઓ અને વાંચો….

પ્રખ્યાત છે ‘ટોર્નેડો’ ની ‘ટેકસાસ’ સંગ દોસ્તી.
પણ ‘હાર્વી’ની હ્યુસ્ટનમાં,  કંઈ આવી હોય કુસ્તી?

દર થોડાં થોડાં વર્ષે  પધારીને લે છે મુલાકાત.
ને જતાં જતાં દેખાડે  એની  ઉત્કૃષ્ટ ઓકાત!
કેટલી યે રાખો  તૈયારી કે સતત સાવધાની
પણ હઠીલા બાળક જેવી કરે મનમાની.
પળમાં પછાડીને મહેલ-શા મકાનની કરી નાંખે પસ્તી..
ભઈ,‘હાર્વી’ની હ્યુસ્ટનમાં,  કંઈ આવી હોય મસ્તી?

 

કોઈ રાક્ષસ  કે આતંકવાદીની જેમ કરતો સંહાર.
કદી બાળતો, તો  કરતો કદી જળબંબાકાર.
’આઈક’ ‘કટરીના’ કે ‘હાર્વી’ના નામ  ધરી આવે,
ચારેકોર ખેદાન-મેદાન ને વેરાન કરી ભાગે,
નાસી ભાગીને લેતો નિર્દોષની હસ્તી ને વસ્તી,
હાર્વી’ની હ્યુસ્ટનમાં, સાવ આવી, તસતસતી કુસ્તી?

 

એક વાત પાકી ને સાચી કે માણસાઈ જાગે છે હસતી.
દોડી દોડીને  સૌ, સ્નેહથી આપે છે બાહોની કશ્તી.
પ્રખ્યાત છે ‘ટોર્નેડો’ ની ‘ટેકસાસ’ સંગ દોસ્તી.
છો ને આ ‘હાર્વી’ ગમે ત્યાં , બેફામ કરે મસ્તી!!

 

Advertisements

14 thoughts on “‘હાર્વી’ ને હ્યુસ્ટન…

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s