નાતાલનો આ તાલમાં, જુઓ નજારો છે અહીં,
આનંદ ને ખુશાલીનો, કેવો ઝગારો છે અહીં !
અવસર અહીં મસ્તીભરી, માણો સહુ સાથે મળી,
રંગો અને આ રોશની ઝરતો ફુવારો છે અહીં.
જુઓ તમે જો ધ્યાનથી, સંદેશ છે ઈશુ તણો,
કે “સંપ હો ત્યાં જંપ”નો, મોંઘો ઇશારો છે અહીં.
ખુશી ખુશી ગાઓ તમે, આબાદ ને આઝાદ રહો,
શાંતિ જગાવી લો પછી, ન કો’ કિનારો છે અહીં.
વાંછુ સદા ખોબો ભરી, નવવર્ષના મુબારકો,
‘સર્વે ભવો નિરામયા”, દિલના પુકારો છે અહીં.
નાતાલનો તાલ સરસ મળી ગયો. સરસ રચના.
સરયૂ
LikeLike
“સર્વે ભવો નિરામયા” દિલના પુકારો છે અહી
સુંદર
LikeLike
“ખુશી ખુશી ગાઓ તમે, આબાદ ને આઝાદ રહો,
શાંતિ જગાવી લો પછી, ન કો’ કિનારો છે અહીં”
નવા વર્ષે સહુ આબાદ અને આઝાદ રહે એ જ શુભ કામના.
LikeLike
Happy christmas.
LikeLike
ગાગાલગા ના છંદમાં જૂઓ છુપાયો છે અહીં! -ચમન
LikeLike
saras rachana. wish u merry xmas
LikeLike