તો બાત બન જાયે…

      

નજર તારી મળે, પળભર અગર, तो बात बन जाये..
નયન સમજે બધું, હરદમ અગર,  तो बात बन जाये.. 

નથી જોયો, નથી જાણ્યો, છતાં તું રોજ પૂજાયે,
જરા દેખાય તું, એક ક્ષણ અગર,  तो बात बन जाये..

મીરાં છે, છે હજી રાધા, સીતા ને દ્રોપદી પણ છે.
કિશન થઈ તું ફરી અવતર, અગર तो बात बन जाये...

ઝીલે આકાશ બારે માસ, ધરતીની વરાળોને,
સદા વરસે, ઘીમી ઝરમર અગર,  तो बात बन जाये..

સતાવે છે તને શેનો વળી ડર, હે ગગનવાસી,
રચાવો રાસ હે નટવર અગર, तो बात बन जाये..

હજારો કંસ, કાળીનાગ ને કૌરવ કરોડો છે,
ફરી કર ધર્મને પગભર અગર,  तो बात बन जाये..

ભલે ને પાંડવો, દીસે નહીં કોઈ આ, કુરુક્ષેત્રે,
રચે ભારત ફરી નવતર અગર,  तो बात बन जाये..