જોઈ એમ થાય…

birds on wire

birds on wire-2

 

 

 

 

વીજળીના તાર પર કતારબંધ બેઠેલા પંખીને રોજ રોજ જોઈ એમ થાય
ઉડઉડતી પાંખને અદબભેર ગોઠવી સંપીલા ઈશારા આમ થાય?
ન વાચા,ન વાણી,ન કર્મોની કહાની,
ન જર,જમીન કે જોરુની ગુલામી.
ઝાડ-પાન, ફળ-ફૂલ,ડાળ શહેનશાહી.

મુક્તિનું આ બંધન કે બંધનની છે મુક્તિ,સવાલ એમ થાય.
તાર પર કતારબંધ બેઠેલા પંખીને રોજ રોજ જોઈ એમ થાય.

એક લાવે ચોખાનો ને,બીજો લાવે દાળનો દાણો,
ઘાસ-ફૂસ,પીંછા,ને સળીઓથી ,સજ્જ કરે માળો.
ચાંચમાં ચાંચ રાખી બાંધતા એ પ્રેમ તણો નાતો.

મીઠા કલશોરના પડઘાથી રોજ સાંજ જંપી જંપીને દૂર જાય,
આભમાં આ હારબંધ સાથ સાથ ઉડતા સૌ પંખીને જોઈ એમ થાય,
દિલ-દિમાગ, વાણીની ભેટ તો યે, માનવીથી આવું  ન કેમ થાય ?

Advertisements

18 thoughts on “જોઈ એમ થાય…

  1. દેવિકા,

    મીઠા કલશોરના પડઘાથી રોજ સાંજ જંપી જંપીને દૂર જાય,
    આભમાં આ હારબંધ સાથ સાથ ઉડતા સૌ પંખીને જોઈ એમ થાય,
    દિલ-દિમાગ, વાણીની ભેટ તો યે, માનવીથી આવું ન કેમ થાય ?

    બહુજ સરસ,

    આભાર,

    વિનોદ.

    Like

  2. ન વાચા,ન વાણી,ન કર્મોની કહાની,
    ન જર,જમીન કે જોરુની ગુલામી.
    ઝાડ-પાન, ફળ-ફૂલ,ડાળ શહેનશાહી.
    અને એની સામે
    દિલ-દિમાગ, વાણીની ભેટ તો યે નહી કદાચ એટલે જ માનવી આવી મુક્તિ નહી માણી શક્તો હોય?

    ખુબ સરસ રચના…….

    Like

  3. ખુબ જ સુંદર રચના. એક દિલ અને દિમાગવાલા કવિયેત્રી જ રચી શકે કારણ એમણી કલ્પનાને અસિમિત પાંખો છે અને અનંત આકાશ છે. માનવી ને તો ઇશ્વરે મુક્ત મને ઘણું બધું આપ્યું જ છે અને આપ્યા જ કરે છે. પણ એ તો કુદરતની ‘શહેનશાહી” નો ‘તાજપોષી” નો ડોળ કર્યા જ કરે છે. કદાચ એ પણ કવિની જેમ આકાશ તરફ એક વાર જો નજર કરે તો એને ‘આમ કેમ થાય છે’ એવા બધા સવાલોના જવાબ ઝટ મળી જાય. અને સંભવ છે કે પંખી-પક્ષીરુપે એક શાંતિદુત બની જાય.
    ખરેખર, દેવિકાબેનની આ રચના વાંચી ને વારંવાર ‘ દિલથી’ વધુ અને દિમાગથી એનો સુક્ષ્મ ભેદ સમજવાની કોશીશ કર્યા જ કરવાનુ ને મમળાવાનુ સતત મન થયા કરે એવી લાગણી સાથે એમને ખુબ ખુબ વધાઈ અને ધન્યવાદ.
    પ્રશાંત મુન્શા.

    Like

  4. રચનાનો વિષય તદ્દન નિરાળો અને અભિવ્યક્તિઓ ખુબ સુંદર.. પણ ગીઈત કહેવા માટે જોઈતો લય અહીં ખોડંગાય છે.. પ્રાસ-અનુપ્રાસ જેવું ખૂટે છે. એ તરફ વિશેષ ધ્યાન રાખવું ઘટે.

    Like

  5. દેવિકાબેન ખુબજ સુંદર રચના !
    તમારા માટે તો આ લાઈન બરાબર યોગ્ય છે ‘ જ્યાં ન પહોચે રવી, ત્યાં પહોંચે કવી’
    દરેક વસ્તુમાં અવલોકન કરીને સુંદર રચના તૈયાર થઈ જાય છે.

    Like

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s