રચાય છે..

જીતેલી આખી બાજી પણ કદી હારી જવાય છે.
સદા યે રેસમાં આગળ, કદી છેલ્લાં  જણાય છે.

હશે કોઇક તો કારણ જરૂર જળ-તળ મહીં નક્કી,
પડે કંકર કદી નાના, વલય  ક્ષણમાં રચાય છે.

કશી યે હોય ના આશા, હશે એવી કશી ઇચ્છા.
કે પળ એવી જ શું આ શ્વાસની આખર ગણાય છે?

હજી શોધાઇ છે ક્યાં  ચારણી કે ગરણી કોઈ,
કે ધીરે ચાળી,ગાળી વેદના ફેંકી શકાય છે !

ઘણી છે આમ તો જગ્યા વિસામા કાજ દુનિયામાં,
ગઝલ જેવી કહો  ક્યાં ચેનથી સોંપી સૂવાય છે ?