ચ્‍હાના ઘૂંટે ઘૂંટે મીઠી,કરીએ મનની વાતો….

રોજ સવારે,ડેક પર સાથે,વાંચીએ ગમતી વાતો,

ચ્‍હાના ઘૂંટે ઘૂંટે મીઠી, કરીએ મનની વાતો.

 

સાંજ જીવનની શરુ થઇ,આ કેવી ક્ષણ ક્ષણ સરકી,

ભીંત પરના તારીખિયાના પાનપાન ઉડાડી,

જોતજોતામાં ઢળી જશે આ સૂરજ પણ મદમાતો,

ચ્‍હાના ઘૂંટે મીઠી કરીએ ચાહથી મનની વાતો.

 

કાલ હતું જે આજ નથી ને આજ છે, ન મળશે કાલે,

લખે વિધાતા ઝાંખી રેખા, કરવી સુંદર મારે-તારે,

તાર જુદા પણ એક જ સૂરમાં ગાશું દિવસ રાતો,

ચ્‍હાના ઘૂંટે મીઠી કરીએ અલકમલકની વાતો.

 

સામે બેઠા પંખી કેવા ડાળ ઉપર મલકતા,

રંગબેરંગી પાંખો લઇને ક્યાં ક્યાં જઇ અટકતા,

દેશ-વિદેશે ઉડી-ફરીને શોધે નિજનો માળો,

એ જ છેલ્લે સાચો, બસ ‘હું ને તું’ નો નાતો….

 

ચ્‍હાના ઘૂંટે મીઠી કરીએ, ચાહથી મનની વાતો.

 

14 thoughts on “ચ્‍હાના ઘૂંટે ઘૂંટે મીઠી,કરીએ મનની વાતો….

  1. nice one.
    છેલ્લે તો આપણે બે જ હોઇશુ વાળી વાતો.
    સમય એટલો ટૂંકો છે, એને વધારે મા વધારે માણી લેઇએ.
    સુન્દર તાદૃશ વર્ણન

    Like

  2. રવીવારની સવાર હોય
    હાથમાં છાપું હોય
    પ્રિતમનો સંગાથ હોય
    આદુ,ઈલાયચી વાળી ચહા હોય
    પછી
    ચહાના ઘુંટે ઘુંટે કરીએ મનની મધુરી વાતો
    વિતેલા કાળમાં પહોંચાડી દીધી !

    http://www.pravinash.wordpress.com

    Like

  3. Devikaben ni sundar majani badhi j hoy che kavita…kyarek thay aatli saral vaat kevi saras rite kahi gaya…aa pan khub gami gai aaje….પુનહ પુનહ સુબહ સુબહ મન્દ મન્દ ઠુમક ઠુમક ચલત પડી ચાહત….!!

    Like

  4. પ્રસન્ન દામ્પત્યનું સુરેખ ચિત્ર. આપ દરરોજ આ જ રીતે ચાહના ઘૂંટ ભરતા રહો એ જ શુભેચ્છા.
    નવીન બેન્કર

    Like

  5. અમારા પોર્ચની સવાર આપને કયાં દેખાઈ…? આતો જાણે અમારી કવિતા.

    Like

  6. Devikaben, khb sundar rachna. Tanari, mari, aapNa sauni sawar.

    એ જ છેલ્લે સાચો, બસ ‘હું ને તું’ નો નાતો…. aa line khub gami.

    Like

  7. આંખ સમક્ષ તારો ડૅક દેખાયો, રોજ રોજ આવતાં પંખીઓને શાંતીથી નિહાળતાં તમને બન્નેને જોઈ શકું છું અને વગર બોલ્યે પણ હવામાં તરતાં એકમેકનાં સ્નેહને પણ ફૂલોની સુગંધ ભેગી માણી શકું એટલી બોલકી કવિતા માણવાની ખુ………બ મઝા આવી!
    નયના

    Like

  8. દેવિકાબેન,
    બહુજ સુંદર વાતાવરણ સર્જ્યું છે, જ્યાં પ્રેમ, આનંદ, શાંતિ અને જીવનની સચ્ચાઈની પ્રતિતી થાય છે.
    આનાથી વધારે, સુખી દાંપત્ય જીવન માટે શું જોઈએ.

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s