હ્યુસ્ટનની આજની (૨૨મી નવે.) ની સવાર…
મને આવી સવાર ગમે.
ખુશ્બૂ-ભીની બહાર ગમે.
અંધારને ઉઘાડતું, શબ્દોને જગાવતું,
આછેરા અજવાસનું, કુણું કુણું પ્રભાત ગમે.
મને આવી સવાર ગમે.
ઝરમરતી જલધાર ગમે.
યાદોને પંપાળતી, અંતરને અજવાળતી,
ચરણને પડકારતી, ભીની ભીની રાહ ગમે.
મને આવી સવાર ગમે.
ફરફરતી જલધાર ગમે.
આભને છલકાવતો, ધરતીને પખાળતો,
માટીને મ્હેંકાવતો, કુદરતનો પ્રસાદ ગમે.
મને આવી સવાર ગમે.
ઝીલમીલતી જલધાર ગમે.
મનમર્કટને માંજતો, ઘન-ગર્જન અટકાવતો,
બાજીગરને સ્મરાવતો, ધીરો ધીરો વરસાદ ગમે.
મને આવી સવાર ગમે.
ખુશ્બૂ-ભીની બહાર ગમે.
દેવિકા,
અંધારને ઉઘાડતું, શબ્દોને જગાવતું,
આછેરા અજવાસનું, કુણું કુણું પ્રભાત ગમે.
બહુજ ગમ્યુ,
વિનોદ.
LikeLike
મને આવી કવીતા ગમે
તમે આવું લખો એ ગમે
ખુબ સુંદર ! ખુબ સુંદર !!
ચીમન પટેલ “ચમન”
LikeLike
મને પણ આવું ગમે
તને પણ આવું ગમે
આવી સવારસૌને ગમે
LikeLike
ન્યુ જર્સીની –થેન્કસ ગિવીંગ સવાર
મને આવી સવાર ન ગમે.
ખુશ્બુ કે બહાર ન મળે
પ્રકાશને ગળતું અને શબ્દોને દબાવતું
અજવાસ વિનાનું ભીનું ભીનું પ્રભાત ગમે?
મને આવી સવાર ન ગમે.
ધોધમાર જળરાશી ન ગમે.
યાદોને પલાળતી,અંતરને ડૂબાડતી.
ચરણને ચોંટતી કાદવવાળી રાહ ગમે?
મને આવી સવાર ન ગમે.
સવારમાં વરસતો નાયગરા ન ગમે.
આભને ઢાંકતો ધરતીને છલકાવતો.
માટીને ગુંદતો કુદરતનો ત્રાસ ગમે ?
મને આવી સવાર ન ગમે
છતરીયાળી જલધાર ન ગમે.
મનમર્કટને નશો ચઢાવતો, કુણો કુણો હુંફાળો
કામિનીને સ્મરાવતો, તડકો ચોક્કસ ગમે.
હરનિશ જાની (યુ.એસ.એ.)
LikeLike
Mane pan gami…..
LikeLike
કુદરત નો પ્રસાદ ગમે
બાઝીગરને સ્મરાવતો
વાહ વાહ , શું વાત છે
સરસ
LikeLike
સુંદર રચના…
LikeLike
પ્રકૃતિનો એહસાસ કરાવતી સુંદર રચના !
LikeLike
પ્રકૃતિની છાલક મારી જતી સુંદર રચના.
LikeLike
મને આવું પ્રકૃતિથી મઘમઘતું ગીત ગમે મને આવી સરસ સવાર ગમે..હ્યુસ્ટનનૂ સવાર જોવા આવવું પડશે અહિં શિકાગોમાં તો પવનનાં સૂસવાટા છે..અને વાદળ છે
સપના
LikeLike