હોય છે…


જેવી મળી આ જીંદગી, જીવી જવાની હોય છે,
સારી કે નરસી જે મળી, શણગારવાની હોય છે. 

આવે કદી હોંશે અહીં,ઇચ્છા ઘણી સપના લઇ,
માનો કે ના માનો બધી, તરસાવવાની હોય છે. 

ના દોષ દો,ઇન્સાન કે ભગવાન યા કિસ્મત તમે,
પળ પળ અહીં દુલ્હન સમી, સત્કારવાની હોય છે. 

જુઓ તમે આ આભને કેવી ચૂમે છે વાદળી,
કોને ખબર ક્ષણ માત્રમાં, તરછોડવાની હોય છે. 

બાંધી મૂઠી છે લાખની,ખોલી રહો તો રાખની,
શાંતિભરી રેખા નવી, સરજાવવાની હોય છે. 

પામી ગયા, એ પથ્થરો પૂજાય છે દેવાલયે,
બાકી રહેલી વાત શું સમજાવવાની હોય છે ? 

હાથો મહીં જે આવતુ, ખોબો કરીને રાખજે,
ખુશી મળે “દેવી” બધે, એ વ્હેંચવાની હોય છે.

****************       ******************

( છંદવિધાન ઃ રજઝ-૨૮–ગાગાલગા*૪ )

 

Advertisements

22 thoughts on “હોય છે…

  1. શાંતિ ભરી રેખા નવુ સરજાવવાની હોય છે’
    બસ રેખા કદિ ભુંસાય નહી સાચવવાની હોય છે
    તમારા જેવી ગઝલ લખતા નથી આવડતુ
    મનમાં લીટી આવી તો લખી નાખી
    સરસ ગઝલ
    ઇન્દુ

    Like

  2. ના દોષ દો,ઇન્સાન કે ભગવાન યા કિસ્મત તમે,
    પળ પળ અહીં દુલ્હન સમી, સત્કારવાની હોય છે.

    વાહ ! આપની રચના ની સુંદરતા ને વ્યક્ત કરવાને શબ્દો ઓછા પડે છે ! મજા આવી ગઈ !!

    Like

  3. ખુબ જ ગમી. પનિહારીઓ..બેડા..પર્વતો..નદીઓ..ને..એવું બધું..પ્રક્રુતિવર્ણનો..કરતાં મને, જિન્દગીની આવી દાર્શનીક વિચારસરણી દર્શાવતી કવિતાઓ, ગઝલો વધુ ગમે છે.
    બસ…આવું જ આપ લખતા રહો એવું હું ઇચ્છું.

    નવીન બેન્કર

    Like

  4. it is the way it is! Just Live and make the best of it!

    reminded me of the evergreen song
    Devanand singing in movie “Hum Dono”

    Main Zindagi Ka Saath Nibhata Chala Gaya
    Har Fikr Ko Dhuen Mein Udata Chala Gaya

    Barbadiyon Ka Shok Manana Fizul Tha
    Barbadiyon Ka Jashan Manata Chala Gaya
    Har Fikr Ko Dhuen Mein Udata…

    Jo Mil Gaya Usi Ko Muqaddar Samajh Liya
    Jo Kho Gaya Maein Usko Bhulata Chala Gaya
    Har Fikr Ko Dhuen Mein Udata…

    Last lines are my favorite…

    Gam Aur Khushi Mein Farq Na Mehsoos Ho Jahan
    Main Dil Ko Oos Muqaam Pe Laata Chala Gaya
    Har Fikr Ko Dhuen Mein Udata…

    Bahot Khub! Keep it up.

    Like

  5. આમ તો મને છંદ – અલંકારમાં સમજ નથી પડતી પણ ક્યારેક શબ્દો વેરાઈ જતા હોય છે. અહીં આજે મેં જે શબ્દોનો શણગાર જોયો એ ખરેખર અદભુત છે.

    ખુબજ સાચવીને ગોઠવાયેલા શબ્દો સાથે વીંટળાયેલી લાગણીઓને અનુભવી.

    આભાર….

    Like

  6. પામી ગયા, એ પથ્થરો પૂજાય છે દેવાલયે,
    સુંદર ગઝલ …
    પ્રથમ અને બીજા શેરના સાની મિસરાની શરૂઆતમાં (સારી કે નરસી … તથા માનો કે ના માનો) ગાગાલગા ચુસ્તતાથી જળવાયા નથી. થોડાક સુધારાથી હજુ નિખાર આવી શકે.

    Like

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s