“ખ”નો ખિતાબ

ખેતીમાં પરોવાયેલા નિઃસંતાન ખેડૂતના ખાલીપાનું ચિત્ર…..

 

 

ખરો ખિતાબ ખેડૂતને ખોળે,
ખેતીમાં ખુદનું ખોળિયું ખોવે;
ખૂણે ખાંચરે ખેતર ખેડે,
ખેડૂત ખાટલે ખુશીથી ખીલે.
ખેદેવો ખુશકિસ્મતી ખેરવે;
ખાંડ-ખજૂરના ખાદ્યો ખડકે.
ખગોળે ખેચર ખેલો ખેલે,
ખેડૂત ખાલી ખોલી ખોલે.
ખોળાના ખુંદનારનો ખાલીપો ખટકે,
ખીણશો ખાલી ખાલી ખખડે;
ખોતરી ખામોશી ખ્યાલોમાં ખૂંદે,
ખેંચે ખમીર ખેતીના ખીલે.
ખમ્મા ખમ્મા,  ખોબે ખોબે,
ખરો ખિતાબ ખેડૂતને ખોળે.

ખેદેવો= આકાશના દેવો
ખગોળ=આકાશ મંડળ
ખેચર=પક્ષી