લીસોટો…

.

શરણં મમ..

દિવ્ય દર્પણ.

એવું કોઇ દર્પણ લઇ આવે, જે અંતરનું રૂપ ધરી આપે.

દિવડાની ઝીણી આશકાને નિરખી,
ભિતરના ઓજસની ઝાંખી કરી,
તન-મનની શુધ્ધિની આરતી ઉતારે.
એવું કોઇ દર્પણ લઇ આવે, જે અંતરનું રૂપ ધરી આપે.

રસ્તે પડેલા કોઇ કંકરને હાથ ધરી,
સ્નેહે સંભાળીને, પ્રેમથી પંપાળી,
મૂર્તિ બનાવી, એમાં પ્રાણ પૂરી આપે.
એવું કોઇ દર્પણ લઇ આવે, જે અંતરનું રૂપ ધરી આપે.

કાગળ પર ફરતી કલમની કમાન,
કાપે છો જોજન આ શબ્દો ચોપાસ,
અક્ષર એક પામે જ્યાં સત્ય આરપાર,
એવું કોઇ દર્પણ લઇ આવે, જે અંતરનું રૂપ ધરી આપે.