યાદોના છીપલાં

 

 

 

મર્કટ મનડું કેવું ભટકે,

             હો બધું તો યે કંઇક ખટકે;

દડ દડ દડ દડ આંસુ ટપકે,

            ના જાણે ક્યાં જઇને અટકે.

ઉર્મિના તો દરિયા ઉમટે,

            ભાવોના લઇ મોજા ઉછળે;

નીંદરને પગથારે ભીંજવે,

            યાદોના છીપલાં દઇ પટકે.

છિન્નભિન્ન પલ-રેત પર રખડે,

            ઉડી પવનને ઝોકે વળગે;

ખોબો ભરી ફૂંફો તો અડકે,

            દિલને સઘળા કટકે કટકે.

બની બાલ માબાપને શરણે,

           કદી સૂર સહોદરના રણકે;

સખી-સખા તો રોજને શમણે,

        સ્વ-જન સૌ પાંપણની પલકે.

મર્કટ મનડું કેવું ભટકે,

           હો બધું તો યે કંઇ ખટકે.