પ્રીતનું ગીત

આપણા સંબંધનું  ગીત જડ્યું આજે,

          નો’તુ વિચાર્યું મારે શોધવું છતાં યે,

દોડીને આવ્યું  બસ એમ  આપમેળે,

          રમતું દીઠું ને બેઠું કલમની કોરે.

સમયના પાન કેવાં ઉડ્યાં ને  આજે,

          નો’તુ વિચાર્યું મને સ્પર્શ્યું છતાંયે,

આવીને સ્મિત દીધું દિલને માંડવડે,

          મસ્તીથી ઝૂલે એ તો મનડાને માળે.

વર્ષોના વાયરા વીત્યા ને આજે,

          નો’તુ વિચાર્યું મને વળગ્યું છતાંયે,

ગણગણતું કાનમાં ગૂંજ્યુ કોણ જાણે,

          શબ્દોની દોરે ગૂંથાયું ગીત રૂપે….