વિશ્વશાંતિ

 

આતમે ઓઢેલ કાયાનાં વાઘામાં
             ઇશ્વરનો અંશ જરા સમજી તુ લે

મનને વરેલા વિચારોનાં પિંછામાં
             ઉંચેરી આશા ઉમેરી તુ લે

દિલને વીંટેલા આ માયાનાં વીંટામાં
             સાચુકડી પ્રીત જરા વણી તુ લે

સર્વત્ર સળગેલા દુન્યવી તણખામાં
            સમજણની રોશની ફેલાવી તુ લે

જગતમાં જામેલા જુઠા સૌ વળગણમાં
            સર્જક્નુ સત્ય હવે જાણી તુ લે

અંતરમાં જાગેલા વિશ્વનાં સપનામાં
            શાંતિનો  દીપ  પ્રગટાવી તુ લે

કાળજડે કોરેલા થનગનતા કોડમાં
            પ્રભુ સંદેશ    હવે    પામી તું લે